ଶଙ୍ଖ ଛାଡ଼ି ପଦ୍ମ ଧରିଲେ ବବି ଦାସଙ୍କ ଭିଣେଇ ଅରିନ୍ଦମ ରାୟ ; ତାଙ୍କୁ ଅଭିନେତାରୁ ନେତା ବନେଇଥିଲେ ବବି…
ଭୁବନେଶ୍ୱର,K7khabar: ଶଙ୍ଖ ଛାଡ଼ି ପଦ୍ମ ଧରିଲେ ଅଭିନେତା ଅରିନ୍ଦମ ରାୟ। ବିଜେପି ରାଜ୍ୟ ମୁଖ୍ୟାଳୟରେ ପହଞ୍ଚି ବିଜେପିରେ ମିଶିଛନ୍ତି ଅରିନ୍ଦମ ରାୟ। ସେ ବିଜୁ ଜନତା ଦଳ ରାଜ୍ୟ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଭିଣେଇ ମଧ୍ୟ ଅଟନ୍ତି। ପ୍ରଣବ ପ୍ରକାଶ ଦାସ ବିଜେଡିର ପାୱାର କରିଡର ହୋଇଥିବା ସତ୍ବେ , ତାଙ୍କ ନିଜ ଭିଣେଇ କାହିଁକି ବିଜେଡି ଛାଡ଼ି ବିଜେପିରେ ମିସିଲେ; ତାହା ବର୍ତ୍ତମାନ ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।
ଅରିନ୍ଦମ ରାୟ ବିଜେଡିର ସାଧାରଣ ସଂପାଦକ ସହ ପ୍ରାଥମିକ ସଦସ୍ୟ ପଦରୁ ମଧ୍ୟ ଇସ୍ତଫା ଦେଇଛନ୍ତି। ଦଳର ସଭାପତି ନବୀନ ପଟ୍ଟନାୟକଙ୍କ ପାଖକୁ ଇସ୍ତଫା ପତ୍ର ପଠାଇଛନ୍ତି। ଇସ୍ତଫା ପତ୍ରରେ ନିଜର କ୍ଷୋଭ ମଧ୍ୟ ପ୍ରକାଶ କରିଛନ୍ତି ଅରିନ୍ଦମ। ତାଙ୍କୁ ଓ ତାଙ୍କ କାର୍ଯ୍ୟକୁ ଦଳରେ ମର୍ଯ୍ୟାଦା ମିଳୁନଥିଲା ବୋଲି କହିଛନ୍ତି ଅରିନ୍ଦମ ।
ତେବେ କିଛିଦିନ ପୂର୍ବରୁ କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବଙ୍କୁ ଭେଟିଥିଲେ ଅରିନ୍ଦମ। ଯାହାକି ସେହି ସମୟରେ କିଛିଟା ଦ୍ଵନ୍ଦ ସୃଷ୍ଟି କରିଥିଲା। କିନ୍ତୁ ହଠାତ ବିଜେଡି ଛାଡ଼ି ବିଜେପିରେ ମିଶିବା ପରେ ଏହି ପ୍ରସଙ୍ଗ ବର୍ତ୍ତମାନ ସାଧାରଣରେ ବେଶ ଚର୍ଚ୍ଚାର ବିଷୟ ପାଲଟିଥିବା ସହ କିଛି ଭିତିରି ରହସ୍ୟ ଥିବା କଥା ମଧ୍ୟ ଜନ ସାଧାରଣଙ୍କ ମନରେ ପ୍ରଶ୍ନବାଚୀ ସୃଷ୍ଟି କରିଛି।
